Paruwasi ya Rwamagana yashinzwe na Nyiricyubahiro Yohani-Yozefu Hiriti, kuwa 5 Gashyantare 1919, maze ayiragiza Bikira Mariya Umwamikazi w\u2019imitsindo (Notre Dame des Victoires). Kuri iyo tariki nibwo Abamisiyoneri bahageze kugira ngo bahatangire ubutumwa muri Misiyoni yari imaze gushingwa.<\/p>\n\n\n\n
Amavu n\u2019amavuko ya Paruwasi ya Rwamagana<\/strong><\/p>\n\n\n\n Ubuganza ni igice cy\u2019u Rwanda kiri mu nkengero z\u2019ikiyaga cya Muhazi, mu burasirazuba bushyira amajyepfo y\u2019icyo kiyaga.<\/p>\n\n\n\n Padiri Lewo Delimasi (R.P. L\u00e9on Delmas), watumwe kurambagiza ako Karere gaherereye mu nkengero z\u2019ikiyaga cya Muhazi adutekerereza amateka y\u2019ishingwa ry\u2019iyo Misiyoni[1]<\/a>: RWAMAGANA niryo zina ryahawe Misiyoni nshya yagiye mu ruhererekane rw\u2019ishingwa rya za Misiyoni z\u2019icyahoze ari Vikariyati ya Kivu kuva muri Gashyantare 1919. Muri Gashyantare 1918, Padiri Lewo Delimasi, aturutse muri Misiyoni ya Kigali yari yarashinzwe kuwa 21 Ugushyingo 2013, akaba yari ayibereye umukuru, nibwo yakoze urugendo rwe rwa mbere mu Buganza, abisabwe na Musenyeri Yohani-Yozefu Hiriti wifuzaga ko yamenya neza imiterere y\u2019ako Karere gakikije ikiyaga cya Muhazi.<\/p>\n\n\n\n Nk\u2019uko Padiri Delimasi abivuga, icyo kiyaga cyari giteye amatsiko, yakizengurutse inshuro ebyiri ataragera ku mwaro kuko cyari kizengurutse n\u2019umukenke ndetse \u201cabahatuye bakagitinya kuko bakekaga gituwe na roho mbi zabahungabanya\u201d[2]<\/a>. Ageze ku isonga ryacyo mu majyepfo ashyira uburasirazuba bw\u2019icyo kiyaga, yahabonye umurambi mwiza w\u2019akarere k\u2019ubuganza, utatse udusozi duto tudahanamye tugiye duhujwe n\u2019imirambi igiye ituwe, werekeza ku kiyaga cya Muhazi cyangwa ku kiyaga cya Mugesera giherereye mu majyepfo. Muri macye yabonaga ari akarere gateye neza gakwiye kubakwamo Misiyoni. Musenyeri Hiriti, akimara kwakira raporo yagejejweho na Padiri Delimasi, yiyemeje ku buryo budakuka gusaba uburenga bwo kuhashinga Misiyoni.<\/p>\n\n\n\n Urugendo rwa kabiri Padiri Delimasi yakoze kuwa 9 Ukwakira 1918, rwari urwo kwemeza aho misiyoni izubakwa no gushyiraho imbibi zidakuka z\u2019iyo Misiyoni nshya, maze bemeza ku musozi wa Rwamagana bitewe n\u2019uko hari hatuwe cyane, kuhagera byoroshye, hari ikirere cyiza, amazi meza, amabuye, ibumba n\u2019umusenyi kandi hari ubutaka buhagije bungana na hegitari 30 (30 Hectares).<\/p>\n\n\n\n Mu gihe Padiri Delimasi yibwiraga ko ubutumwa bwo kurambagiza ako karere k\u2019ubuganza burangiye, agiye gukomeza imirimo yari asanganywe muri Misiyoni ya Kigali, yahise ahabwa ubutumwa bwo kwamamaza Ijambo ry\u2019Imana muri ako karere k\u2019ubuganza bwa Rwamagana, kari katageramo Inkuru nziza, afatanyije na Padiri Desiborosi (P Desbrosses) wari umaze kugira uruhare mu gushinga Misiyoni zigera kuri eshatu.<\/p>\n\n\n\n Kuwa 5 Gashyantare 1919, niho abo bapadiri bombi Delimasi na Desiborosi, bageze ku buryo budakuka muri Misiyoni nshya ya Rwamagana yari ishinzwe, yitirirwa Bikira Mariya Umwamikazi w\u2019imitsindo, maze batura mu nzu ntoya y\u2019ibyumba bine, umukateshiste witwaga Tewodore (Th\u00e9odore), yari yariyubakiye uko ashoboye.<\/p>\n\n\n\n